هي حياة ولا اكتر ؟!
بقالي نص ساعة قاعد متنح في الصفحة مش عارف اكتب كلمة !
الكلام شكله خلص ولا ايه ؟!
...
ابتدت تندع اهي بعد تفكير
عندي كدة سؤال في البداية .. يا ترى احنا في الحياة دي اللي عايشينها هنعيشها كام مرة ؟؟ كله هيقولي اي دة .. ما هي مرة واحدة
متهيألي في ناس هتتفلسف وتقول بعد يوم القيامة اما الله يبعثنا للحساب " انا بتكلم على الحياة اللي احنا عايشينها دلوقتي دي "
المهم .. متهيالي كدة اتفقنا على انها حياة واحدة فيه ناس بتحاول تسيب بصمة ليها قبل ما تنتهي الحياة الواحدة دي الناس تفتكرها بيها
وفيه ناس مقضياها وفاكرين انهم عايشين للأبد ..
نفترض ان حد اقتنع بانه يسيب بصماته في قلوب الناس الل عرفهم حب يسيب ذكريات حلوة تبقى دايما اللي تفكر الناس بيه .. مش تبقى دي حاجة كويسة ؟؟
متهيألي الأجابة هتكون بالأيجاب .. محدش هيحب انه اما يتقال اسمه يبقى اكيد هيتقال كل حاجة وحشة عشان مفيش حاجة عدلة تتقال .. لغاية دلوقتي متفقين مش كدة ؟
يبقى اهم حاجة تتعمل اننا ننظم حياتنا .. نفكر في مستقبلنا .. ماضينا نتعلم منه بس ميبقاش هو مستقبلنا وحاضرنا ..
مش هيحصلنا حاجة لو خططنا مستقبلنا .. ممكن حاجات تحقق وحاجات تانية متتحققش .. ويبقى عندنا كدة حاجات عايزين نحاول نوصلها بما انها متحققتش
بمعنى تاني .. حياتنا يبقى ليها معنى ونبقى عايشين لهدف
نعمل مقارنة صغيرة ما بين البشر والحيوانات .. !!
ربنا ميزنا عن الحيوانات بالعقل .. يا ترى ليه ؟
الحيوانات . عايشة عشان ياكلوا و يشربوا و يناموا و يتكاثروا
لو فكرتوا شوية ان النظام دة ناس كتير جدا جدا عايشة بيه
مش محتاج أكمل كلام في النقطة دي .. اكيد فهمتوني عشان اللي بكتبلهم هم البشر .. اللي مميزين عن الحيوانات بالعقل !
نيجي لنقطة تاني .. وهي سذاجة الناس اللي بقت واضحة جدا فعلا الناس بقت بتصدق اي حاجة في الزمن دة .. هقول امثلة مع كلامي وممكن تخليكم بعد كدة قبل ما تصدقوا حاجة تفكروا فيها مليون مرة
نيجي مثلا للايميلات اللي كل يوم بتوصلنا من قرايبنا و صحابنا والمنتديات ومن اي جهة
اي خبر يتقال .. او صورة .. او حتى اي حاجة تانية مش لازم تتصدق حتى لو الكلام مقنع
في يوم من الأيام وانا بقلي في المنتديات الأجنبية .. لقيت منتدى لذيذ قوي فضلت بسببه محروق دمي جدا ..
وهو عبارة عن منتدى معمول لللعب بدماغ العرب بصفة عامة ..
وطبعا الجرء اللي واخد حقه فيه كان قسم الصور .. من الصور بقى والأخبار
صورة سحابة على شكل اسم الجلالة الله .. وكانت معمولة بالفوتوشوب
صورة الشجرة على اسم لفظ الجلالة الله وكانت منحوتة من قبل نحات مصري
صورة الشبح اللي في دخان برج التجارة العالمي 9 سبتمبر
صورة فرع من شركة آبل اللي انتشرت على انه بار على شكل الكعبة اللي طلع ان لون الزجاج شفاف اصلا مش اسود كمان ..
البنت اللي اتحولت لكائن غريب بعد ما رمت القرآن في وش مامتها وكل واحد غير القصة ودة كان تمثال معمول بالشمع بعد تجارب للأستنساخ
الكائن الغريب اللي لقوه في الأمارات راس انسان وجسم سحلية
والولد الشاب اللي مات ولقوه متفحم بعد ما فتحوا قبره بعد 3 ساعات من عذاب القبر ودي كانت جثة محروقة اصلا
احتراق جثة الرسام الدنماركي اللي رسم كاريكاتير للرسول عليه الصلاة والسلام مع انه عايش عادي يعني!
والصورة اللي معمولة بالفوتوشوب للحرم المكي والمدني على انهم منورين في الضلمة!
طبعا اشاعات اسلام مايكل جاكسون وتشيلسي بنت بيل كلينتون
قصة نيل ارمسترونج اللي سمع الأدان وهو على سطح القمر واسلم بعديهاوعمل مؤتمر بعديها بينفي اللي اتقال
موضوع الهوتميل اللي هيبقى بفلوس ولازم كله يلحق نفسه ويبعت الميل لـ 18 واحد واشمعنى 18 يعني ؟! محدش فكر قبل كدة
حاجات كتير قوي بجد مبتخلصش .. واحنا سايبنهم يلعبوا بينا براحتهم ويجيبونا يمين شوية وشوية شمال والحياة زي الفل !
سؤال لكل واحد كان مصدق اي حاجة من اللي مكتوبة دي ..
فكرت قبل ما تصدق ؟؟ الأجابة هتكون لا أكييد
نصيحة مني .. فكر ولو حتى شوية ..
عشان يبقى مخك ملكك مش ملك حد تاني
زي كدة في موقف حصل اتحرق دمي منه قوي
واحد اجنبي جاب صوت المغني اكون وهو بيقول سورة الفاتحة وحطها على اغنيةarab money المغنيbusta الل بيتريق على العرب فيها
المهم اللي بقى قدام كل الناس .. سورة الفاتحة في اغنية فيها تريقة ..
كدة الأتنين دول بقوا كفرة ومينفعش نسمعلهم حاجة تاني والكلام دة عايز اقول حاجة واحدة بس
akon و busta
مسلمين اصلا ! بمعنى ان اللي عمل الريمكس لبس كله في الحيط وطبعا من غير تفكير كله صدق .. !
نيجي لموضوع تاني ..
معلش هخرج عن سياق الموضوع شوية
ايميلات كتيرة بتتبعت عن الأدعية ولازم يبقى فيه
استحلفكم الله .. وحياة أغلى حاجة عندك والكلام دة
لو عايزين الصراحة .. اما بشوف عنوان الميل كدة مش بعمل غير اني بمسحه
مش عارف حاسسها طريقة عجيبة شوية ..
موضوع الأيميلات اللي بيبقى فيها تبعت الميل لـ 14 واحد هيتبعتلك صورة حبيبك والكلام الفارغ دة ..
عايز اعقب على الأيميلات دي بغض النظر عن سذاجتها
وان ناس بتستخدم موضوع استلام الايميلات دة في الهاك على الناس ومحدش يقولي ازاي عشان اكييد مش هقول الطريقة ..
بمعنى اما تيجوا تبعتوا اي ايميل ..لازم للي هيتبعتلوا دة واحد واثقين فيه
وهكررها تاني عشان ممكن في حد ميكنش اخد باله قوي من الكلام انا قصدي من البعت .. مش من فتح الأيميلات .. !
نسيب بقى موضوع السذاجة ونخش في مشكلة الغباء الأجتماعي
بغض النظر عن الناس اللي مش بيعرفوا يتعاملوا مع الناس
هتكلم عن الناس اللي بتحاول تحافظ على صحاب ميستهلوش ان يتقال عليهم انهم صحاب
كتير جدا خسارة ناس بيبقى مكسب ومكسب كبير كمان
في ناس وانا كنت منهم .. عندهم قوانين في حياتهم تمنع خسارة حد الواحد يفضل يستحمل ويستحمل لغاية ما يفيض بيه ويقول لا كفاية كدة
طاب وعلى ايه كل دة ؟؟
الباب اللي يجيك منه الريح .. سده واستريح
فيه حد بيحب وجع الدماغ ولا ايه ؟؟
والصحاب اللي يجيبولك مشاكل .. تقدر تقول انهم فعلا صحابك ؟
ولا مستني اما تجيب اخرك معاهم
كنت عايز اتكلم عن المنتخب المصري شوية ..
بس قلت كفاية حرقة دم المرادي ..
وهخليله موضوع مخصوص ليه
مستني آرائكم ..
بالتوفيق للجميع ان شاء الله ..
Mohamed Sherif (F)
بقالي نص ساعة قاعد متنح في الصفحة مش عارف اكتب كلمة !
الكلام شكله خلص ولا ايه ؟!
...
ابتدت تندع اهي بعد تفكير
عندي كدة سؤال في البداية .. يا ترى احنا في الحياة دي اللي عايشينها هنعيشها كام مرة ؟؟ كله هيقولي اي دة .. ما هي مرة واحدة
متهيألي في ناس هتتفلسف وتقول بعد يوم القيامة اما الله يبعثنا للحساب " انا بتكلم على الحياة اللي احنا عايشينها دلوقتي دي "
المهم .. متهيالي كدة اتفقنا على انها حياة واحدة فيه ناس بتحاول تسيب بصمة ليها قبل ما تنتهي الحياة الواحدة دي الناس تفتكرها بيها
وفيه ناس مقضياها وفاكرين انهم عايشين للأبد ..
نفترض ان حد اقتنع بانه يسيب بصماته في قلوب الناس الل عرفهم حب يسيب ذكريات حلوة تبقى دايما اللي تفكر الناس بيه .. مش تبقى دي حاجة كويسة ؟؟
متهيألي الأجابة هتكون بالأيجاب .. محدش هيحب انه اما يتقال اسمه يبقى اكيد هيتقال كل حاجة وحشة عشان مفيش حاجة عدلة تتقال .. لغاية دلوقتي متفقين مش كدة ؟
يبقى اهم حاجة تتعمل اننا ننظم حياتنا .. نفكر في مستقبلنا .. ماضينا نتعلم منه بس ميبقاش هو مستقبلنا وحاضرنا ..
مش هيحصلنا حاجة لو خططنا مستقبلنا .. ممكن حاجات تحقق وحاجات تانية متتحققش .. ويبقى عندنا كدة حاجات عايزين نحاول نوصلها بما انها متحققتش
بمعنى تاني .. حياتنا يبقى ليها معنى ونبقى عايشين لهدف
نعمل مقارنة صغيرة ما بين البشر والحيوانات .. !!
ربنا ميزنا عن الحيوانات بالعقل .. يا ترى ليه ؟
الحيوانات . عايشة عشان ياكلوا و يشربوا و يناموا و يتكاثروا
لو فكرتوا شوية ان النظام دة ناس كتير جدا جدا عايشة بيه
مش محتاج أكمل كلام في النقطة دي .. اكيد فهمتوني عشان اللي بكتبلهم هم البشر .. اللي مميزين عن الحيوانات بالعقل !
نيجي لنقطة تاني .. وهي سذاجة الناس اللي بقت واضحة جدا فعلا الناس بقت بتصدق اي حاجة في الزمن دة .. هقول امثلة مع كلامي وممكن تخليكم بعد كدة قبل ما تصدقوا حاجة تفكروا فيها مليون مرة
نيجي مثلا للايميلات اللي كل يوم بتوصلنا من قرايبنا و صحابنا والمنتديات ومن اي جهة
اي خبر يتقال .. او صورة .. او حتى اي حاجة تانية مش لازم تتصدق حتى لو الكلام مقنع
في يوم من الأيام وانا بقلي في المنتديات الأجنبية .. لقيت منتدى لذيذ قوي فضلت بسببه محروق دمي جدا ..
وهو عبارة عن منتدى معمول لللعب بدماغ العرب بصفة عامة ..
وطبعا الجرء اللي واخد حقه فيه كان قسم الصور .. من الصور بقى والأخبار
صورة سحابة على شكل اسم الجلالة الله .. وكانت معمولة بالفوتوشوب
صورة الشجرة على اسم لفظ الجلالة الله وكانت منحوتة من قبل نحات مصري
صورة الشبح اللي في دخان برج التجارة العالمي 9 سبتمبر
صورة فرع من شركة آبل اللي انتشرت على انه بار على شكل الكعبة اللي طلع ان لون الزجاج شفاف اصلا مش اسود كمان ..
البنت اللي اتحولت لكائن غريب بعد ما رمت القرآن في وش مامتها وكل واحد غير القصة ودة كان تمثال معمول بالشمع بعد تجارب للأستنساخ
الكائن الغريب اللي لقوه في الأمارات راس انسان وجسم سحلية
والولد الشاب اللي مات ولقوه متفحم بعد ما فتحوا قبره بعد 3 ساعات من عذاب القبر ودي كانت جثة محروقة اصلا
احتراق جثة الرسام الدنماركي اللي رسم كاريكاتير للرسول عليه الصلاة والسلام مع انه عايش عادي يعني!
والصورة اللي معمولة بالفوتوشوب للحرم المكي والمدني على انهم منورين في الضلمة!
طبعا اشاعات اسلام مايكل جاكسون وتشيلسي بنت بيل كلينتون
قصة نيل ارمسترونج اللي سمع الأدان وهو على سطح القمر واسلم بعديهاوعمل مؤتمر بعديها بينفي اللي اتقال
موضوع الهوتميل اللي هيبقى بفلوس ولازم كله يلحق نفسه ويبعت الميل لـ 18 واحد واشمعنى 18 يعني ؟! محدش فكر قبل كدة
حاجات كتير قوي بجد مبتخلصش .. واحنا سايبنهم يلعبوا بينا براحتهم ويجيبونا يمين شوية وشوية شمال والحياة زي الفل !
سؤال لكل واحد كان مصدق اي حاجة من اللي مكتوبة دي ..
فكرت قبل ما تصدق ؟؟ الأجابة هتكون لا أكييد
نصيحة مني .. فكر ولو حتى شوية ..
عشان يبقى مخك ملكك مش ملك حد تاني
زي كدة في موقف حصل اتحرق دمي منه قوي
واحد اجنبي جاب صوت المغني اكون وهو بيقول سورة الفاتحة وحطها على اغنيةarab money المغنيbusta الل بيتريق على العرب فيها
المهم اللي بقى قدام كل الناس .. سورة الفاتحة في اغنية فيها تريقة ..
كدة الأتنين دول بقوا كفرة ومينفعش نسمعلهم حاجة تاني والكلام دة عايز اقول حاجة واحدة بس
akon و busta
مسلمين اصلا ! بمعنى ان اللي عمل الريمكس لبس كله في الحيط وطبعا من غير تفكير كله صدق .. !
نيجي لموضوع تاني ..
معلش هخرج عن سياق الموضوع شوية
ايميلات كتيرة بتتبعت عن الأدعية ولازم يبقى فيه
استحلفكم الله .. وحياة أغلى حاجة عندك والكلام دة
لو عايزين الصراحة .. اما بشوف عنوان الميل كدة مش بعمل غير اني بمسحه
مش عارف حاسسها طريقة عجيبة شوية ..
موضوع الأيميلات اللي بيبقى فيها تبعت الميل لـ 14 واحد هيتبعتلك صورة حبيبك والكلام الفارغ دة ..
عايز اعقب على الأيميلات دي بغض النظر عن سذاجتها
وان ناس بتستخدم موضوع استلام الايميلات دة في الهاك على الناس ومحدش يقولي ازاي عشان اكييد مش هقول الطريقة ..
بمعنى اما تيجوا تبعتوا اي ايميل ..لازم للي هيتبعتلوا دة واحد واثقين فيه
وهكررها تاني عشان ممكن في حد ميكنش اخد باله قوي من الكلام انا قصدي من البعت .. مش من فتح الأيميلات .. !
نسيب بقى موضوع السذاجة ونخش في مشكلة الغباء الأجتماعي
بغض النظر عن الناس اللي مش بيعرفوا يتعاملوا مع الناس
هتكلم عن الناس اللي بتحاول تحافظ على صحاب ميستهلوش ان يتقال عليهم انهم صحاب
كتير جدا خسارة ناس بيبقى مكسب ومكسب كبير كمان
في ناس وانا كنت منهم .. عندهم قوانين في حياتهم تمنع خسارة حد الواحد يفضل يستحمل ويستحمل لغاية ما يفيض بيه ويقول لا كفاية كدة
طاب وعلى ايه كل دة ؟؟
الباب اللي يجيك منه الريح .. سده واستريح
فيه حد بيحب وجع الدماغ ولا ايه ؟؟
والصحاب اللي يجيبولك مشاكل .. تقدر تقول انهم فعلا صحابك ؟
ولا مستني اما تجيب اخرك معاهم
كنت عايز اتكلم عن المنتخب المصري شوية ..
بس قلت كفاية حرقة دم المرادي ..
وهخليله موضوع مخصوص ليه
مستني آرائكم ..
بالتوفيق للجميع ان شاء الله ..
Mohamed Sherif (F)
