أنا سوبرمان .. أيــــون أنا سوبرمان

أنا سوبر مان :)))

محدش يستغرب أيوة أنا سوبر مان .. فيه إيه بس ؟؟

طاب كملوا قراءة وحتعرفوا ..

حبيت أسبق قبل ما أنزل الموضوع قبل ما أشوف شتايم وإتهامات كتير على الفاضي
بما إني إتعودت على الإتهامات اللي بتتوجهلي أول ما أتناقش مع حد وميلاقيش رد يرد بيه علية ..

وعايز أقولكم .. إشتموا وإتهموني براحتكم جدا ..
كل دة مبيفرقش معايا .. عشان الحمد لله كل اللي بعمله بيبقى لوجه ربنا
وعشان بعشق تراب البلد دي بجد

ويا ريت لو عايز تتهمني بحاجة تقولي حاجة بدل اللي حقولهم دلوقتي
عشان التجديد بس وبلاش روتين بقى ;)

■■■■■■■■■■■■■■■■■■■■■■■■■■■■■■■■■■■■■■■■​■■■■■■■■■■■

- من فلول الحزب الوطني :
قدمت قوي وبقت رخمة

- من كلاب أمن الدولة :
لو فيه قطط يا ريت عشان بحبهم ;)

- من اللجان الإلكترونية في النت :
لا دة أنا من اللجان الشعبية اللي في النت يا أخويا !!

- شغال مع صفوت الشريف :
عشان بابا إسمه شريف و عيلة صفوت >> الشريف .. قفشتوني يا ولا اللزينة :(

- عناصر أجنبية مندسة :
huh ?? .. مين طفا النور ؟؟ :O

- من الإخوان عشان قلت نعم في الإستفتاء :
مــــــــــــــــــاشي يا سيدي .. واللي قال لا من الموساد الإسرائيلي .. تمام ؟

- سلفي متعصب مثير للفتنة عشان كتبت موضوع ضد ساويرس :
وصلت إنك تشتمني وتقولي سلفي ؟ :( ..
هي سلفي بقت بتستخدم في الشتايم وأنا مش واخد بالي ولا إيه ؟ ..
طاب إنت بتنجاناوي بتثير الصلصة في الكرنب! .. " قلة أدب بقلة أدب بقى !! "

- من كلاب مبارك :
مقبلتوش لسة الصراحة حتى عشان أبقى من كلابه ;)

- شاركت في موقعة الجمل ! :
واحدة قالتلي قبل كدة في مناقشة " إنتوا عملتوا موقعة الجمل عشان .. "
أنا بقى كنت أول جمل دخل في الميدان .. " الجمل نفسه مش اللي راكبه ! "
عندكم مانع ولا إيه ؟؟ .. أيوة أنا كنت الجمل

- من الثورة المضادة :
يا ســــــــــلام .. طاب مطالب الثورة دي إيه عشان وبيناموا في أنهي ميدان عشان أحضر شنطتي وأروح أقعد معاهم ؟؟


كفاية ولا أكمل الباقي ؟؟
عارفين القائمة السودة كلها ولا أسمعهالكم ؟ ^_^

■■■■■■■■■■■■■■■■■■■■■■■■■■■■■■■■■■■■■■■■​■■■■■■■■■■■


وفي الآخر مضطر أقولكم حــــــــــقيقتي ..
أنا ســــــوبر مــــــــــــــان :)))

عشان عرفت أجمع ما بين كل البلاوي السودة دي من غير ما أشارك في أي حزب أو مؤتمرات أو حتى من غير أي تدريب برة مصر " زي ناس كدة حبايبنا ! " .. ومن غير ماخد مليم واحد من أي حد .. إلخ

سوبرمان مش كدة ؟؟

يا ريت بقى بلاش سذاجة .. كل ما حد يقول رأيه يسمع الإسطوانة المشروخة دي
يا جدعان إعتبرونا كل اللي قلتوه دة لو خلاص مقتنعين بإننا كدة .. وفي نفس إتناقشوا معانا " بالمنطق " إقنعونا بالعقل .. خلونا نبقى شعب يعرف معنى النقاش الصحي اللي نتيجته إقتناع طرف من الطرفين .. كفاية جدال وخلاص !!

كلنا مصريين عايشين على نفس الأرض .. اللي حيعمل حاجة غلط حيأثر في الشعب كله في الحاجات دي .. بمعنى إننا كلنا المفروض يبقى هدفنا موحد وهو بناء مصر

مش إسقاط كل حاجة في نفس الوقت ..

يا ريت بقى أسمع كدة إتهامات جديدة بقى بعد إذنكم ..
ويا ريت من فضلكم تبقى مقنعة شوية .. عشان أساعدكم في نشرها
ولو جبتولي دليل واحد على أي إتهام حتقولوه .. ليكوا علية حعمل صفحة كارهي محمد شريف .. وأنا اللي حنشرها كمان ..

ورجاء خاص من الناس اللي بعتولي رسايل تهديد بحاجات إنهم ممكن يألفوها علية وكانت حاجات ساذجة بغباء يعني !! وحينشروها لو مبطلتش أهاجمهم .. وكان ردي عليهم " شوفوا حاجات مقنعة أحسن الأول "

أقدر أقولكم وراسي مرفوعة لفوق ..
أعلى ما في خيلكم إركبوه .. :)
وطرقكم الرخيصة دي مبتنفعش معايا الصراحة ..

وفي الآخر أحب أقولكم يا رب تستفادوا من الموضوع اللي كتبته وحنشره في الصفحة دلوقتي إن شاء الله

تحياتي وتقديري
سوبر مان ;)

ღღღღღღღღღღღღღღღღღღღღღღღღღღღღღღღღღღღღღღ

اللي يحب يتابع مواضيع كتيرة وأخبار ويشارك في مناقشات
يشرفني بإشتراكه في الصفحة دي :)
http://www.facebook.com/MohamedSherifPag​e

ღღღღღღღღღღღღღღღღღღღღღღღღღღღღღღღღღღღღღღ