ياللي في التحرير .. مصر أكبر بكتير

■■■■■■■■■■■■■■■■■■■■■■■■■■■

ياللي في التحرير .. مصر أكبر بكتير

■■■■■■■■■■■■■■■■■■■■■■■■■■■

ღღღღღღღღღღღღღღღღღღღღღღღღღღღღღღ

عشان تقدروا تشاركوا في الموضوع بتعليقاتكم

يا ريت تشرفوني بإشتراككم في الصفحة

https://www.facebook.com/MohamedSherifPage

ღღღღღღღღღღღღღღღღღღღღღღღღღღღღღღ

في البداية أحب أنوه لحاجة مهمة جدا

الموضوع طويل وأنا عارف إن فيه ناس بعتولي رسائل بيشتكولي من طول بعض المواضيع وفيه موضوغ مثلا أخد في القراءة ساعتين مع ناس

إعذروني المرة دي بس .. عشان الموضوع لازم يكون طويل

وحسأل سؤال لأي واحد داخل يعارضني من غير ما يدور على الحقيقة ويشوف الرأي التاني بما إن دة من أساسيات الديموقراطية الحقيقية ..هي بلدك متستهلش إنك تحاول تعرف الحقيقة ؟

بما إن الإنسان خطاء بطبعه .. يبقى ممكن تكون مخطئ .. عشان كدة عايز من الجميع التركيز بنسبة 500% مش 100% عشان كل دة عشان مصر مش عشاننا كأشخاص عايشين فيها ..

نظام الموضوع حيبقى كالآتي ..

في البداية حركز على الحاجات المتدارجة حاليا وبعد كدة ححط المواضيع القديمة عشان نبقى بعد الموضوع دة غطينا كل جوانب اللي الشعب عايز يقولوا إن شاء الله .. ومش حكتفي باللي كتبته بس .. وكل يوم حزود حاجات لإن كل يوم فيه حقائق بتظهر وفيه مقالات لية ححطها في الموضوع برابط مختصر عشان الشكل وتقدروا تدوسوا على اللينك وتقروه وتكملوا الموضوع دة لأخره  .. عشان متحسوش إن الموضوع كله كلام

لو الموضوع دة مش حيقنع شباب مشاركين في التحرير دلوقتي

حيدي ثقة لأي واحد حييجي يناقش أي حد في التحرير بحجج قوية بالمنطق والأدلة للرد في أي مناقشة مع أي حد من التحرير .. وبتمنى إن الموضوع يفيد في الحاجتين دول .. والهدف الأساسي إظهار الحقيقة وكله بيصب في مصلحة الوطن إن شاء الله

وإن شاء الله حيبقى فيه جزء تاني للموضوع

ولو داخل تتهمني بأي حاجة مسبقا إقرا الموضوع دة الأول 

http://on.fb.me/o0GZF5

*▀▀*▀▀*▀▀*▀▀*▀▀*▀▀▀▀*▀▀*▀▀*▀▀*▀▀*▀▀* 

نبتدي على بركة الله ..

-1-

شرعية ميدان التحرير

يا ترى الميدان أخد الشرعية منين عشان كل نداء فيه يبقى أوله

" الشعب يريد .. "

الإئتلافات السياسية فقدت شرعيتها مرتين

أول مرة كانت في إستفتاء التعديلات الدستورية

كلهم قالوا " لا " والشعب قال " نعم "

يبقى هم بيتكلموا بلسان الأقلية اللي قالوا " لا " مش كدة ؟

الأقلية دي مش شتيمة على فكرة قبل ما تفهموها غلط

تاني مرة أما دعوا لجمعة الدستور أولا ملقوش حد في الميدان غير قلة قليلة جدا

.. ودة اللي خلاهم يعملوا جمعة الفقراء أولا ويسيبوا موضوع الدستور أولا لبعد الساعة 6 مساءا عشان يبقى شكلا مع مشاركة الإخوان يبقى فيه ناس كتير في الميدان

وائقين في نفسكم إن الشعب معاكم فعلا

.. تعالوا نعمل إستفتاء شعبي

يشارك فيه الشعب المصري " من له الحق في إعطاء صوته " على مطالب ميدان التحرير .. ولو الأغلبية مع المطالب دي .. كلنا حننزل ميدان التحرير

بل من يطلق عليهم الأغلبية الصامتة حيبقوا في الميدان كمان .. تخيلوا قوة ميدان التحرير حتبقى عاملة إزاي .. ودة طبعا من أساسيات الديموقراطية

وبالنسبة للي بيقولوا إن اللي بيروحوا روكسي بيقسموا مصر وبيعملوا فتنة

حضراتكم تحبوا نيجي ميدان التحرير عشان تبقى عبارة عن خناقة ؟

أو بالأصح " مجزرة " وخلاص ؟؟ 

لو حد في التحرير قال كلمة مش متفقة معاكم بتنولوه بالعافية من المنصة

فما بالكم باللي في روكسي بقى ؟

باقي الكلام في النقطة دي في الموضوع دة :

-----------------------------------------------

http://on.fb.me/om6iXR

*▀▀*▀▀*▀▀*▀▀*▀▀*▀▀▀▀*▀▀*▀▀*▀▀*▀▀*▀▀* 

-2-

دائما بنسمع جمل كدة كل شوية الثوار يقولوها

- مينفعش نختزل الثورة في أشخاص معينين

-  الثورة ملهاش قائد والشعب المصري هو المحرك الرئيسي للثورة

جميل جدا .. ولازم نتفق إن مش كل اللي في ميدان التحرير ملائكة ومش معصومين من الخطأ .. عشان كل إنساء خطاء

يبقى أما أي حد ينتقد أي شخص في الميدان .. بلاش فجأة جملة إنت من الفلول وبتشوه الميدان .. لو فضلتوا على المبدأ دة .. يبقى اللي في ميدان التحرير كلهم ملايكة .. وبدافعكم عن أشخاص معينين بتبينلنا إن الثورة كانت مخططة من ناس معينين برده والثورة ليها قائد بس من كتر الشبهات اللي حواليه مش عارفين تعترفوا بكدة

لو قلنا اللي حصل في الثورة إن الناس نزلوا بالصدفة البحتة

وإتقابلوا في ميدان التحرير بالصدفة البحتة برده

مش حعترض ومعاكم لغاية الآخر

بس برده كل يوم جمعة بينزلوا صدفة الميدان من غير ما فيه جهة كدة أو حركة سياسية بتدعوا لكدة ؟

يبقى خلينا نتفق إن فيه حد بيحرك الثورة .. مش ماشية بالطيار الآلي

أو عشان نبقى على نفس الخط .. فيه ناس كتير ركبوا الثورة

*▀▀*▀▀*▀▀*▀▀*▀▀*▀▀▀▀*▀▀*▀▀*▀▀*▀▀*▀▀* 

-3-

المجلس العسكري

إقروا الموضوع دة في السريع الأول

http://on.fb.me/pdIXHz

بعد قراءة ما على الصورة

القوى السياسية اللي في التحرير فضلوا يقنعوا الناس إن المجلس العسكري حاجة والجيش حاجة تانية .. لغاية ما فيه ناس إقتنعوا

تعالوا بقى نفتكر يوم 8 يوليو أما الجماعات الإسلامية إنتقدت حركة 6 إبريل إن بليل إستغلوا جمعة الفقراء أولا للهجوم على المجلس العسكري باللافتات المسيئة للمشير وطلب مجلس رئاسي مدني وكل الحدوتة اللي عارفينها

وفي مكالمة هاتفية لمحمد عادل في قناة تلفزيونية بدور على فيديو للمكالمة

قال بالنص ..

" المجلس العسكري والجيش وقياداته كيان واحد " وبعد كدة عشان مش فاكر بقية الكلام كان بما معناه إن محدش يقدر يشكك فيهم وإنهم مشاركوش ولا ليهم دعوة باللافتات دي ولا بالنداءات المسيئة للمشير

يبقى منين المجلس العسكري والجيش وقياداته كيان واحد وبعد كدة المجلس العسكري حاجة والجيش حاجة .. تناقض عجيب في كل حاجة

وبالمرة شوفوا الفيديو دة عشان تعرفوا محمد عادل دائما متناقض في كلامه

http://bit.ly/qUfTuf

كلام حركة 6 إبريل بالذات مبني على إنهم يقولوا حاجة غلط ويحفظوها للشعب ويقولوا عكسها فجأة في أي وسيلة إعلام وبـ كدة يكونوا لبسوا الشعب في الحيط وهم في السليم .. نفس فكرة أمريكا في مشروع الفوضى الخلاقة .. لبس كله في بعض وإطلع إنت في السليم في الآخر ولا كإنك عملت حاجة

والإعلامي إبراهيم عيسى طلب من الجيش المصري وقف التمويل اللي بياخده سنويا من أمريكا

تعالوا كدة نشوف اللواء العصار رد وقال إيه

http://bit.ly/rf2bJd

*▀▀*▀▀*▀▀*▀▀*▀▀*▀▀▀▀*▀▀*▀▀*▀▀*▀▀*▀▀* 

-4-

المتاجرة بإسم الشهداء في كل وقت وكل مكان

وصلنا لدرجة إنهم بكرة حيطالبوا بالإنتقام من " مصر " عشان دم الشهداء ميرحش هدر

أما طلع إن فيه ناس كانوا بيقتحموا السجون عشان يطلعوا قرايبهم وإتقتلوا وضموهم للشهداء !! وقصة سالي زهران اللي وقعت من البلكونة وكانوا طالعين قايلين إن الأمن المركزي ضربوها في راسها في ميدان التحرير وواحد تاني اللي والده طلع قال إن إبنه مات في حادثة مش في الميدان .. وناس تانيين ماتوا من سنة وحطوهم مع شهداء الثورة .. وكتير تانيين .. محدش ليه إعترف إنهم بيتاجروا بدم الشهداء ؟

تصدقوا بالله .. لو حد كان سأل أي شهيد في اللي بيحصل دلوقتي دة كان زمانه قلكم حرام عليكم اللي بتعملوه في مصر .. وإنتوا اللي بتضيعوا دمي هدر بعندكم واللي بتعملوه .. دم كل شهيد بريء منكم ومن اللي بتعملوه عشان حرام بجد اللي بيحصل في البلد دة

ويا ريت منعدش نقول شهداء ودم الشهداء ونكتفي بالدعاء ليهم بالرحمة " وأن يحتسبهم الله مع الشهداء " .. مش إستخدامهم في خراب البلد

يا ريت نقرا الفاتحة لكل اللي إستشهدوا وماتوا في سبيل هذا الوطن

*▀▀*▀▀*▀▀*▀▀*▀▀*▀▀▀▀*▀▀*▀▀*▀▀*▀▀*▀▀* 

-5-

قامت الثورة لنشر الحرية والديمقراطية

تعالوا بقى نشوف ديموقراطية الثورة

زي ما دايما بقول الديموقراطية الجديدة بتاعة التحرير هي

" إنت معانا ولا مع الناس التانيين ؟ "

معانا تبقى وطني وشريف وعبقري وبتموت في تراب البلد

أما لا سمح اللي ناوي كدة تنتقدنا حيطلع عين أهلك شتايم وإتهامات ومقاطعة وقائمة سودة .. أيوة طبعا أومال إيه هي دي الديموقراطية الحديثة

وفيه نوع من الديموقراطية التانية الأخف من السابقة شوية

 اللي هي بتنص على إنت ضدنا ؟

يبقى من باب الحرية حنسيبك تهوهو زي الكلب ومش حنعبرك ولا حنرد عليك

ما إنت مش عايز نصلحة البلد .. " بما إن الشعب قاصر ولسة معداش الـ 21 سنة "

فـ مش عارف مصلحته .. والتحرير هو الواصي عليه

تحيا الديموقراطية .. تعيش تعيش تعيش

سؤال هنا مهم جدا لشباب التحرير

 إيه الفرق بينكم ومابين الحزب الوطني ؟؟

الحزب الوطني كان عامل حسابه إنه واصي علينا وعارف مصلحتنا وبيسكتنا كل ما نفتح بقنا واللي يفتح بقه يلبس في الحيط .. نفس بالظبط اللي إنتوا بتعملوه دلوقتي .. يبقى ممكن أعرف الفرق

آسف مش عايز أبدل نظام قمع بنظام قمع جديد

ودة مش كلامي أنا .. دة كلام كتير جدا من الشعب اللي عمالين تسكتوه

تعالوا كدة نقرا الموضوع دة

http://on.fb.me/nfDE3J

*▀▀*▀▀*▀▀*▀▀*▀▀*▀▀▀▀*▀▀*▀▀*▀▀*▀▀*▀▀* 

-6-

لسة بتثق في حركة 6 إبريل بعد البيان الـ 69 اللي طلعوا المجلس العسكري ؟

البيان من الصفحة الرسمية للمجلس الأعلى للقوات المسلحة

http://on.fb.me/oCYInv

أشك الصراحة ..

سؤال إتسألته كتير جدا من الناس وهو ليه المجلس العسكري مقبضش عليهم من زمان ووافق على التفاوض معاهم مع باقي القوى السياسية

يا ربت نقروا كدة الموضوع دة في السريع والإجابة فيه

http://on.fb.me/oE73T7

موضوع مهم عن حقائق عن حركة 6 إبريل

http://on.fb.me/o1kugX

وعمرو غريبة اللي إتمسك في العباسية

http://on.fb.me/o1GyM3

طاب وائل غنيم وبقية الشلة ؟؟

إقرا كدة الموضوع دة ..

http://on.fb.me/oqAHZb

أسماء محفوظ قبل الثورة بـ15 يوم

http://bit.ly/nvSLDR

علاء عبد الفتاح .. من قيادات 6 إبريل

http://on.fb.me/oRnfii

تعالوا كدة نشوغ علاء وهو بيشع جواز الشواذ

http://bit.ly/oEmuto

فضيحة وائل عباس .. قيادي من حركة 6 إبريل

http://bit.ly/rdelRh  

داليا زيادة

http://on.fb.me/ouLuWm

حقيقة عمرو غريبة وتحريضه ضد الجيش المستمر

http://bit.ly/nMzx9F

تناقض غريب مش كدة ؟؟

وللأسف الشبهات اللي حواليهم " بالأدلة " كتـــــير جدا

لو بعد كل الأدلة والشبهات دي لسة بتثق فيهم

يبقى مقدرش أقولك غير إن إن شاء الله قريب الحقيقة حتبانلك أكتر وأكتر

*▀▀*▀▀*▀▀*▀▀*▀▀*▀▀▀▀*▀▀*▀▀*▀▀*▀▀*▀▀* 

-7-

نيجي بقى للي عايز يمسك البلد في أي حاجة بس المنصب فيه كلمة

" رئاسة "

الدكتور محمد البرادعي

هو سؤال واحد بس للبرادعي ..

ليه سيادتك ماشي بالسياسة الأمريكية دايما ؟

ليه دايما بتقول على اللي بينتقدك أو ضدك

" منافق , جاهل أو كومبارس "

مش قلنا ديموقراطية بعد الثورة ؟

ولا مسموحلك تنتقد في كل خلق ربنا .. وإنت بس اللي محدش يقرب منك

الحرية اللي بتتبناها أمريكا نفس النظام .. هي بلد الحرية والديموقراطية وتقدر تنتقد كل حاجة أو أي شخص مهما كان .. بس تيجي عندها هي وتقف

سبحان الله فولة وإتقسمت نصين

تعالوا نقرا الموضوع دة بقى عن الدكتور البرادعي

http://on.fb.me/oqAHZb

*▀▀*▀▀*▀▀*▀▀*▀▀*▀▀▀▀*▀▀*▀▀*▀▀*▀▀*▀▀* 

-8-

إستفتاء 19 مارس على التعديلات الدستورية

أنا من الناس اللي قالوا " نعم " للتعديلات ولكن عن إقتناع

لا عشان الإخوان قالوا نعم .. ولا عشان المادة التانية ولا عشان حد أثر علية في أي حاجة فيه ..

وتقدروا تتأكدوا من دة من الموضوع دة

http://on.fb.me/pIE1H9

تعالوا نشوف الشرعية اللي أخدها المجلس العسكري من الإستفتاء أخدها إزاي

معنى نعم اللي إخترناها الموافقة على قوانين تحكم الإنتخابات 

إنتخابات البرلمان والرئاسة وراجعوا كدة المواد اللي قلتوا " لا " ليها

حتلاقوها بتحدد شروط الإنتخابات " ووضع دستور جديد " كمان

بمعنى تاني أسهل .. أنا مقلتش نعم على المواد دي عشان حد يعمل إنتخابات بدستور جديد .. أو مجلس رئاسي يتعمل فجأة من غير إنتخاب .. أومال أنا قلت نعم لإيه إن شاء الله ؟

وبما إني مستني للإنتخابات .. يبقى مين اللي حيمسك البلد في الفترة الإنتقالية ؟

" المجلس العسكري " عشان إحنا وافقنا إنه يعمل إعلان دستوري بالمواد دي عشان ينظملنا الإنتخابات لغاية ما ينقل السلطة لـ " رئيس منتخب " .. يعني من الآخر كدة المجلس العسكري مفيش غيره حيمسك مصر في الفترة الإنتقالية لغاية الإنتخابات إن شاء الله

الغريب بقى إن قبل نتيجة الإستفتاء كل القوى السياسية كانوا ماسكين إن مهما كانت نتيجة الإستفتاء والكل عمال يحتفل بأول تجربة ديموقراطية .. وكان دة أول إستفتاء أشارك فيه في حياتي

وكتبت بعديه موضوع في بروفايلي ونقلته مؤخرا في صفحتي ودة اللينك بتاعه لو تحبوا تقروه

http://bit.ly/q5njHb

وطلعت النتيجة 77.2% ومن ساعتها إعتبرت إن القوى السياسية والإئتلافات اللي على الساحة فقدت شرعيتها رسميا .. وللأسف لسة لغاية دلوقتي الناس مش قادرين يستوعبوا يعني إيه إستفتاء شعبي نتيجته تطلع بإكتساح ساحق للأغلبية عكس ما كان ينادي به القوى السياسية وبعد مرشحين الرئاسة

ومش حفكركم بـ خد خمسة وروح صوت بلا 

ديموقراطية " روح " .. بتفكرني بديموقراطية الحزب الوطني

تعالوا كدة نشوف لو إبتدينا في مشروع الدستور أولا

مين اللي حيعملوا ؟ المجلس العسكري حيعمل لجنة ؟

حتعترضوا وتخربوا الدنيا .. تجيبوا إنتوا لجنة من عندكم " عافية " إحنا اللي مش حنوافق .. نعمل لجنة مختلطة .. كل يوم خناقة شكل وإعتراضات ملهاش أي لازمة .. ولو مش مصدقين شوفوا كان بيحصل إيه في مؤتمرات الوفاق الوطني

وتعالوا كمان نشوف لو مجلس رئاسي مدني

مين اللي حيمسكوا ؟

البرادعي والبسطويسي وأيمن نور وساويرس .. إلخ

طاب الشعب مش عايزهم .. ما إنتوا عايزنهم يمسكوا المنصب دة عافية

يبقى سلمولي على الديموقراطية

*▀▀*▀▀*▀▀*▀▀*▀▀*▀▀▀▀*▀▀*▀▀*▀▀*▀▀*▀▀* 

-9-

نيجي لجملة أما بتتقالي ضغطي بيعلى

ألاقي ثورجي أو ثورجية بعد أي حاجة تحصل الساعة 2 بليل مثلا أو بعد وقت حظر التجوال ساعة ما كان معمول .. ومصيبة تحصل وألاقي بنت طالعة تقول حصل فينا كذا وكذا وهجوم مش عارف إيه وكدة

والثورجي أو الثورجية ييجوا يقولولي " لو دي أختك ترضى يصحل فيها كدة "

على أساس إن حيتقلي الجملة دي حسكت وحتحرج أرد !!

أخــــتي مــــــــــــــــــين اللي تقعد للوقت دة في الشارع !!!

إنتوا إتجننتوا .. قبل ما حد يقولي ترضى أختك ومش أختك

أنا بقى بسألكم .. " أهــــــلكم فــــــــــــــــــــــــين !! "

يا ثورجي يا شريف يا صاحب المبادئ والأخلاق ياللي عايز تضحي عشان مصر وتبنيها

ياللي " عايز تهدم الفساد " وتنشر الخير

ترضى أختك تبات في ميدان عام وتنام في وسط ولاد ؟

ترضى أختك تتشال على كتاف ولاد عشان تهتف ؟

ترضى أختك تمشي وناس شكلهم غريب يقعدوا يتمسحوا فيها ؟

ترضى ؟؟

لو عادي عندك .. يبقى عادي عندي الشرطة والجيش يعملوا في البنات " اللي مش إخواتي " يتعمل فيهم أي حاجة

المبادئ لا تتجزأ .. ولا عندكم بتتجزأ ؟؟

*▀▀*▀▀*▀▀*▀▀*▀▀*▀▀▀▀*▀▀*▀▀*▀▀*▀▀*▀▀* 

-10-

شهداء الشرطة

نفسي أعرف إيه الميزة اللي واخدنها من سقوط جهاز الشرطة بالكامل وتشويه كل ظباط الشرطة كإنهم كفرة .. ليه منعملش تكريم لشهداء الشرطة زي شهداء " الميدان ! " .. شهداء الشرطة دول ممتوش عشان مصر ؟

ولا خلاص معدش في مصر " شعب " غير اللي في الميدان

بعد كدة متخيل إن أما حد رايح يقدم في شغل في الإنتر فيو اللي رايح يقدم حيتسإل .. " إنت كنت في التحرير ؟ " ولا زم يرد بـ " أنا ثورجي وراشق في التحرير من 25 يناير " عشان يتعين في الشغل على طول ..

ناس كتير جدا بيطالبوا بتكريم شهداء الشرطة

دول اللي ماسكين سلاحهم عشان يحمونا .. أي نعم فيه فاسدين فيه أكيد

وفي كل مكان فيه شرفاء وفاسدين .. ولازم نكرم شهداء الشرطة الشرفاء

وعلى فكرة فيه " فاسدين " كتير في ميدان التحرير

" الشعب يريد تكريم شهداء الشرطة "

*▀▀*▀▀*▀▀*▀▀*▀▀*▀▀▀▀*▀▀*▀▀*▀▀*▀▀*▀▀* 

-11-

موضوع القناصة اللي طلع عين أهالينا بسببها في أي مناقشة مع أي حد

يا ريت تتفرجوا على الفيديو دة كدة ..

http://bit.ly/oGUfXF

*▀▀*▀▀*▀▀*▀▀*▀▀*▀▀▀▀*▀▀*▀▀*▀▀*▀▀*▀▀* 

-12-

على موضوع المنظمات اللي " عادي " إنها تاخد تمويل خارجي وتدريباتهم تبقى في الخارج

حسألكم سؤال واحد بسيط جدا جدا وبالبلدي كمان عشان الكل يفهمه

" هي الحداية بتحدف كتاكيت ؟ "

ماما أمريكا .. اللي قاعدة تدمر في الدول العربية دولة دولة

بقت بتساعدنا عشان نفهم الديموقراطية السياسية اللي هي مش فهماها ؟

ولا الصهاينة اللي في إسرائيل مع امريكا عن طريق مشروع الشرق الأوسط الجديد اللي ماسكاه دلوقتي كونداليزا رايس

اللي بقى متبني من منظمات كتيرة وجامعات كتيرة منها جامعة كارينجي اللي شغال فيها عمرو حمزاوي

وكان أول تجربتين ليهم في العراق وأفغانستان !! .. تحبوا أحكيلكم العراق وأفغانستان عاملين إزاي دلوقتي ولا متهيألي مش محتاج أقلكم الحروب الأهلية والبهدلة اللي الأمريكان عاملينه فيها ..

ولا المعهد الديمقراطي اللي شغال فيه معظم شباب حركة 6 إبريل اللي منهم إسراء عبد الفتاح وباسم سمير وغيرهم .. سراء طلعت قالت إنها بتاخد مرتب 1000 جنيه في الشهر و500 جنيع معاش والدها .. وكل شوية تسافر واشنطن ومدن كتيرة .. يا ترى بـ 1500 جنيه في الشهر بتعرف تسافر كل شوية كدة ؟؟

ولا فيه مصادر تمويل تانية بتجيلهم .. وفلوس بتتبعت في الخفاء ؟

لازم تفوقوا بجد وتعرفوا كويس مين عدوكم الحقيقي

*▀▀*▀▀*▀▀*▀▀*▀▀*▀▀▀▀*▀▀*▀▀*▀▀*▀▀*▀▀* 

-13-

العدالة على المزاج والكيف

دة عنوان نقالة للمستشار مصطفى الكومي إتكلم فيه عن العدالة " الثورية "

تعالوا نفكر بالمنطق شوية

إحنا عايزين عدالة حقيقية ولا محاكمان تك أواي ؟

لو عايزينها في الإنجاز يبقى إعرفوا إن اللي حيتمسك من التحرير حيتحاكم بنفس الطريقة .. في الإنجاز برده .. ومفيش حاجة إسمها شرعية ثورية في " القضاء " يعني أول القصيدة كفر

ثورة عشان العدالة وأول ما نقول محاكمان نقول محاكمات ثورية سريعة .. يبقى عدالة إيه دي إن شاء الله اللي بتنادي بيها الثورة ؟

ويا ريت نبطل كل ما نقول حاجة تقولوا ما تشوفوا كان بيحصل إيه في أيام النظام السابق .. يا جماعة الخير ما النظام السابق إتشال عشان منعملش زيه !! .. إيه الفرق ما بين ظلم قبل الثورة أو بعد الثورة .. في الأول وفي الآخر إسمه ظلم !

عايزين عدالة من النهاردة .. حتى مع الفاسدين .. كل واحد يتحاكم بعدل عشان نوريهم يعني إيه عدل .. نبقى إحنا أحسن منهم .. وربنا حيجازينا خير إن شاء الله على حكمنا بالعدل على أي حد

*▀▀*▀▀*▀▀*▀▀*▀▀*▀▀▀▀*▀▀*▀▀*▀▀*▀▀*▀▀* 

-14-

المتلونين والمنافقين وأصحاب الفكر الموجه

وتعالوا نشوف كدة بإختصار جزء منهم .. اللي إختاروا ركوب موجة التيار القوي .. عشان يوصلوا لمطامعهم ..

إبراهيم عيسى

--------------------

دوره في الإعلام المصري

http://bit.ly/oO4zFU

عدم إعترافه يإجماع الأئمة وبأحاديث البخاري

http://bit.ly/rgnFgV

محمود سعد

----------------

دعاء سلطان وفضيحة نفاق محمود سعد وتلونه

http://bit.ly/qVvtHZ

عمرو حمزاوي

-------------------

وموافقته على الجواز المدني .. يمكن للمسلمة الزواج بمسيحي

تحت إطار الحرية والديموقراطية " وعدم الإعتراف بالشريعة تحت نطاق الحرية ! "

http://bit.ly/qXirvz

عمر عفيفي

----------------

مش محتاج أتكلم عنه كتير .. عقيد شرطة كان متزوج من راقصة

وإتنفى برة مصر .. ودلوقتي بيحرك الثورة من " أمريكا " راعية الديموقراطية الكاذبة في العالم .. مع عايز أكتر في الكلام عليه عشان باين طريقته ودايما خططته " تخريبية بحتة " ولو كان مصري بجد كان جه ضحى بنفسه في سبيل الوطن

" مش زي ما بيعمل دلوقتي وهو التضحية بشباب مصر عشان خططته !! "

http://bit.ly/q1gIhb

عندي سؤال لـ نوارة نجم 

-------------------------------

هدم المجلس العسكري محدش حيطلب طلب زي دة غير أما يكون عايز يهدم الجيش ومصر .. ويسلم السلطة لأي حد .. اللي هو في سرك من غير ما حد ياخد باله " البرادعي " مش كدة .. أي حد = البرادعي

http://bit.ly/oX2Nxh

والباقي حتلاقوني كل شوية في الصفحة أحط كذا فيديو كدة

مكنتش حجيب سيرتها غير إنها من الشخصيات اللي بتستفذني جدا

" كاسي نبيل "

-------------------

واحدة المفروض إنها عايشة في أمريكا

مرة تعمل فيها من ليبيا ومرة من مصر

http://bit.ly/riS8c3

وأخيرا رسالة إلى الثوار والقوى السياسية

http://bit.ly/q224kq

*▀▀*▀▀*▀▀*▀▀*▀▀*▀▀▀▀*▀▀*▀▀*▀▀*▀▀*▀▀* 

وأخيرا أحب أختم بمطالب الشعب المصري المتمثل في ميدان روكسي

اللي فعلا بيدافع عن لشرعية الحقيقية للشعب المصري اللي إتخدت عافية من الشعب

1-  إحترام نتيجة إستفتاء 19 مارس وتأييد المجلس الأعلى للقوات المسلحة لإدارة المرحلة الإنتقالية

2- المطالبة عجلة العمل والإنتاج

3- تأييد محاكمة المتهمين بالفساد محاكمة عادلة دون التدخل بالضغط أو الإرهاب من أي جهة ضد القضاء المصري

4- المطالبة بتحديد أسماء وأماكن إستشهاد الثوار حتى يتم تكريمهم التكريم اللائق وحتى يمكننا تمييز من يستحق التكريم ممن يستحق التجريم

5- كشف الحقائق حول الجهات والأفراد الذين تلقوا أموال أجنبية وفي أي غرض تم توظيف تلك الأموال

6- إيجاد تشريع يحاسب من ينشر أكاذيب أو إشاعات من خلال وسائل الإعلام

7- الكشف عن الجهات التي هاجمت السجون المصرية بأسلحة أجنبية

8- المطالبة بمحاسبة الفاسدين من أفراد الشرطة ودعم الشرفاء من أفراد الشرطة ومؤازتهم من أجل حماية مصر

مطالب كلها لصالح  مصر  و  الثورة  و  الشهداء  و  الشرطة و الأمن و الإقتصاد

مفيش مطلب واحد لإسقاط أي حاجة في الدولة

وإتفضلوا شوفوا الفيديو دة

http://bit.ly/mSqyLp 

في ميدان روكسي مبنوقفش شوارع ولا بنهاجم حد ولا بنعطل مصالح البلد ولا أي حاجة تضر بمصلحة البلد

لو مقتنع بمطالبنا وموقفنا يا ريت تشرفنا بعد كدة في ميدان روكسي 

النظام السابق إتشال .. يبقى جه وقت البناء وإننا نبني النظام الجديد

اللي حنبني بيه مستقبل مصر إن شاء الله

أحب أشكر كل من إشترك معايا في الموضوع دة 

ويا رب دائما ربنا يجمعنا على فعل الخير وإظهار الحقيقة 

وإن شاء الله مصر حتقف على رجليها بينا جميعا بعد ما كل الحقائق تبان

الشعب المصري اللي في روكسي والتحرير والإربعين كل ميادين مصر

واللي كمان قاعدين في بيوتهم بكل الفئات وكل الأعمار إن شاء الله

عشان دي بلدنا كلنا

ღღღღღღღღღღღღღღღღღღღღღღღღღღღღღღ

متنسوش تشتركوا في الصفحة عشان تتابعوا آخر المواضيع والأخبار

http://www.facebook.com/MohamedSherifPage

لكم مني كل الإحترام والتقدير

محمد شريف

ღღღღღღღღღღღღღღღღღღღღღღღღღღღღღღ